Әлеуметтік желіде 53 жастағы ер адам өз келінін зорлады деген күдікке ілінгені туралы ақпарат тараған.
Ал ауыл тұрғындарының айтуынша, күдікті көптен бері ішімдікке әуес болған. Жуырда ол Алға ауданына қарасты Тоқмансай ауылынан өгей ұлы мен оның жас жұбайының үйіне көшіп келген. Тергеу мәліметінше, қылмыс дәл осы үйде болған.
«Полиция 22 жастағы Алға ауданының тұрғынына қатысты зорлау фактісі бойынша күдіктіні ұстады. Ол уақытша ұстау изоляторына қамауға алынды», – деп хабарлады Ақтөбе облысы Полиция департаментінің баспасөз қызметі агенттік тілшісіне берген түсініктемесінде.
Қазіргі уақытта қылмыстық істі жан-жақты және объективті тергеу мақсатында кешенді тергеу әрекеттері жүргізіліп жатыр, деп қосты ведомство өкілдері.
фото: Tengrinews
