Абырой болғанда екі бала да аман қалды. Олар Жамбыл облыстық көпбейінді ауруханасына жеткізілген. Екі сәби интенсивті терапия бөлімшесінде ем алуда. Дәрігерлердің мәліметінше, 2021 жылы туған бала жабық бас ми жарақатын алған, миы қатты ісінген, жамбас сүйегі сынған көрінеді. Екінші баланың да жағдайы ауыр.
Полиция департаменті сотқа дейінгі тергеуді бастап, күдіктіні уақытша қамаққа алған.
«Күдікті ұсталып, уақытша ұстау изоляторына қамалды. Екі кәмелетке толмаған бала ауруханаға жеткізілді. Қазіргі уақытта барлық қажетті тергеу шаралары жүргізілуде. Жан-жақты және объективті тергеп-тексеру нәтижесі бойынша ҚР заңнамасының талаптарына сай процессуалдық шешім қабылданады. ҚР ҚПК 201-бабына сәйкес, басқа мәліметтер жариялауға жатпайды», – деп хабарлады Тараз қаласы ПД баспасөз қызметі.
