Өзге мәліметтерге сүйенсек өрт Ақтөбе қаласындағы Әбілқайыр хан даңғылында орналасқан алты қабатты облыс әкімдігі ғимаратында болған.
Оқиға орнына ТЖД күштері мен құралдары бес минуттың ішінде жетті.
«Өрт сөндіру оқпандары дереу іске қосылды, тілсіз жауды толық ауыздықтау үшін барлық шара қабылданып жатыр. Су үздіксіз берілуде. Адамдарды эвакуациялау жүргізілуде. Оқиға орнында жедел штаб құрылды. Қазіргі сағаттағы жағдай бойынша 112 нөміріне зардап шеккендер туралы ақпарат түскен жоқ», – деп мәлімдеді ҚР ТЖМ баспасөз қызметі.
Өрт сөндірушілер шақыртудың жоғары дәрежесі бойынша жұмыс істеп, өртті сөндіру жұмыстарын жалғастырып жатқаны айтылды.
Өрттің нақты аумағы анықталуда.
дереккөз: azattyq.ruhy
