Мәжілісте жылу маусымының аяқталуы және алдағы жылу маусымына дейін атқарылатын жұмыстар, мерзімді әскери қызметке шақыру жұмыстарының жүргізілуі, сондай-ақ «Ауыл аманаты» жобасының ауданда іске асырылуы және аудан әкімі тарапынан берілген тапсырмалардың уақытылы орындалуы барысы қаралды.
«Үкімет отырысынан кейінгі мәжілісте нақты міндеттер жүктелді. Берілген тапсырмалардың уақытылы әрі сапалы орындалуын қамтамасыз етуіміз тиіс. Сонымен бірге, әскери қызметке шақыру жұмыстары да уақытылы жүргізілуі керек. Бұл мәселе бойынша бұған дейін де нақты тапсырмалар берілген. Кәсіпкерлікті дамыту, мемлекеттік бағдарламалардың орындалуы да мүлтіксіз қадағалануы қажет. Бұл бағытта ешқандай мәселе болмауы тиіс», – деді Ғ. Сүлейменов.
Мәжіліс қорытындысымен күн тәртібінде қаралған мәселелер бойынша тиісті сала басшыларына, кент және ауылдық округ әкімдеріне нақты міндеттер жүктелді.
