Аталған рейдке Жаңақорған аудандық полиция бөлімінің бастығы Нұрлан Ибраев, аудандық қоғамдық даму бөлімінің басшысы Әбілғазы Төлегенов, аудандық білім бөлімінің басшысы Нариман Жакудаев, құқық қорғау органдарының өкілдері, мектеп директорлары мен тәрбие ісі жөніндегі орынбасарлары, ерікті жастардан құралған кезекші топтар тартылып, жауапты аумақтарға бекітілді.
Шара барысында қоғамдық орындар, мейрамханалар мен ойын-сауық орталықтары бақылауға алынып, кәмелетке толмаған жасөспірімдермен және олардың ата — аналарымен профилактикалық түсіндіру жұмыстары жүргізілуде.
Аудан әкімі бұл бағыттағы жұмыстарды күшейтіп, жүйелі түрде жалғастыруды және қоғамдық тәртіпке ерекше мән беруді жауапты сала жетекшілеріне қатаң тапсырды.
