Бұл ғимарат 2024 жылдың желтоқсан айында пайдалануға берілген. «Пульс» ЖШС күрделі жөндеу жүргізіп, материалдық базасы жетілдірілді, заманауи үлгідегі технологиялармен қамтылды. Арнайы медициналық құрал-жабдықтар алынып, білікті мамандар тартылды.
Мұнда ауыр хәлдегі және ұзақ уақыт бойы оңалтуды қажет ететін науқастарға тәулік бойы ем-шара жүргізіледі. Ол үшін барлық мүмкіндік қарастырылған, науқастар мезгілімен ем қабылдап, дәрігер бақылауында болады.
Негізінен, бөлімшеде 10 орынға арналған тәуліктік оңалту, 10 орынға арналған аурухана жанындағы күндізгі стационар қарастырылған. Сонымен бірге бөлімшеде физиотерапия, массажист, лфк инструктор, психолог, логопед, емшара мейіргері, ас таратушы, 5 пост мейіргері, 5 кіші буын қызметкері бар.
Ал паллиативті көмек бөлімшесінде 60 орындық төсек орынмен жабдықталған, қос бөлімшеде 5 дәрігер, 50-ге жуық орта буын мамандары мен кіші буын қызметкерлері тұрғындардың сапалы ем қабылдауына қызмет етіп келеді .
Сонымен қатар логопед, психолог, массаж, емдік дене шынықтыру мамандары жұмыс жасайды.
Бүгінде «Медициналық оңалту» бөлімшесінде облыс бойынша бірнеше ауданның тұрғындары ем қабылдауда. Күнделікті орта буын және кіші қызметкерлері көпшілікке сапалы қызмет көрсетуде.
