Ресми деректерге сүйенсек, оқу орнына жасалған қарулы шабуылдан төрт адам қаза тауып, жиырмаға жуық адам түрлі деңгейдегі жарақаттармен ауруханаға жеткізілген.
Ал мұндай әрекетке барған күдікті оқиға барысында көз жұмған. Оның өз-өзіне қол жұмсағаны немесе атыс кезінде қаза тапқаны әзірге белгісіз.
Сондай-ақ провинция губернаторының мәліметінше күдікті осы мектептің оқушысы, ал әкесі бұрынғы полиция қызметкері. Қазір ол қамауға алынған.
Құқық қорғау органдары аталған факті бойынша қылмыстық іс қозғап, тергеу амалдарын бастап жүргізуде. Мамандар шабуыл жасаған тұлғаның мұндай әрекетке баруына не түрткі болғанын зерттеп жатыр. Зардап шеккендерге қажетті медициналық және психологиялық көмек көрсетілуде.
