Атап айтқанда, азаматтардың әлеуметтік жағдайын анықтауға және тиісті қолдау шараларын уақытылы ұсынуға мүмкіндік беретін Отбасылық цифрлық карта жобасының жүзеге асырылу барысы талқыланды. Сонымен қатар, «Д» және «Е» санаттарына енгізілген азаматтарға көрсетіліп жатқан мемлекеттік қолдау тетіктері сараланып, атқарылған жұмыстар бойынша жауапты мекемелердің есептері тыңдалды.
Күн тәртібінде әлеуметтік осал топтарға жататын азаматтарды қолдау мәселесіне ерекше назар аударылды. Осы ретте жәрдемақы тағайындау, тұрақты жұмыспен қамтуға жәрдемдесу, денсаулық сақтау қызметтеріне қолжетімділікті арттыру, сондай-ақ тұрмыстық жағдайы төмен отбасылармен жеке жұмыс жүргізу бағытындағы шаралар қамтылды.
Жиын қорытындысында аудан әкімінің орынбасары жауапты мекеме басшыларына халыққа көрсетілетін әлеуметтік көмектің сапасы мен тиімділігін арттыруды, әрбір отбасының жағдайын зерделей отырып, мекенжайлық негізде нақты жұмыстар жүргізуді тапсырды.
