Кездесудің негізгі мақсаты – қоғамда адалдық қағидаттарын қалыптастыру, құқықтық мәдениетті арттыру, сыбайлас жемқорлықтың алдын алу және отбасылық-тұрмыстық құқықбұзушылықтардың профилактикасын күшейту.
Шараға Жалағаш ауданының қоғамдық даму бөлімінің басшысы Жасұлан Еспенбет, аудан прокуратурасының прокуроры Әділжан Оразғали, аудандық полиция бөлімінің қоғамдық қауіпсіздік бөлімшесінің отбасылық-тұрмыстық зорлық-зомбылыққа қарсы күрес тобының аға инспекторы, полиция майоры Ұлбосын Ахметова, сондай-ақ аудандық отбасын қолдау орталығының директоры Ғалым Жаңашев қатысып, өз бағыттары бойынша түсіндірме жұмыстарын жүргізді.
Кездесу барысында тұрғындарға құқықтық сауаттылықты арттыру, заң талаптарын сақтау, сыбайлас жемқорлыққа қарсы мәдениетті қалыптастыру, тұрмыстық зорлық-зомбылықтың алдын алу және әлеуметтік қолдау шаралары туралы кеңінен ақпарат берілді. Сонымен қатар, мемлекеттік бағдарламалардың жүзеге асырылуы мен азаматтардың құқықтарын қорғау мәселелері де қозғалды.
Жиында сөз алған Ж.Еспенбет Мемлекет басшысының «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауын іске асыру бағытындағы жұмыстар жүйелі түрде жалғасып жатқанын атап өтті.
Сондай-ақ, Мемлекет басшысының «Адал адам – Адал азамат – Адал табыс» қағидаты аясында заң үстемдігін қамтамасыз ету, қоғамда әділеттілік орнату және әр азаматтың жауапкершілігін арттыру – басты міндеттердің бірі екені ерекше атап өтілді.
Кездесу соңында тұрғындар тарапынан қойылған сұрақтарға жауаптар беріліп, ұсыныс-пікірлері тыңдалды. Мұндай ашық форматтағы кездесулер алдағы уақытта да жалғасатын болады.
