Сот материалдарына сәйкес, қылмыстық іс арнайы көп аудандық сотта қаралды. Ер адамға «қасақана, бірнеше рет және ерекше қатыгездікпен кісі өлтіру» (Қылмыстық кодекстің 99-бабы, 2-бөлімі, 5 және 13 тармақтары) бойынша айып тағылды.
Сот шешіміне қарағанда, 2025 жылғы шілде айында күдікті үйінде отбасылық даудың барысында әйеліне және енесіне өмірлік маңызды мүшелеріне бірнеше пышақ жарақаттарын салған. Олардың екеуі де оқиға орнында қаза тапқан, ал күдікті оқиға орнынан бой тасалаған.
Мемлекеттік айыптаушы соттан 20 жылға бас бостандығынан айыру жазасын сұрағанымен, сот 19 жылға орта деңгейлі қауіпсіздігі бар қылмыстық-атқару мекемесінде жазасын өтейтіндей етіп үкім шығарды. Жәбірленушілердің өкілі айыпталушыға қатаң жаза қолдануды талап етті. Сотта жеңілдететін немесе ауырлататын жағдайлар анықталған жоқ. Сонымен қатар, сот моральдық зиян үшін азаматтық талапты толық көлемде қанағаттандырды.
smartnews.kz
фото:politiko.kz
