Бүгін облыс прокуратурасының алқа мәжілісінде облыс прокурорының төрағалығымен Қызылорда облысы аумағындағы құқық бұзушылықтың алдын алу, оны болдырмау бағытындағы профилактикалық жұмыстар барысы талқыланды.
Қоғамдық тәртіпті сақтауға полицияның материалдық-техникалық жағдайы жаңартылды, көшелерге 2,8 млрд теңгеге бейнебақылау камералары орнатылды. Алайда, қабылданып жатқан профилактикалық шаралар үстіміздегі жылдың 9 айында қылмыстық ахуалдың 2%-ға ғана төмендегенін көрсетті. Адамның жеке басына, халықтың тұрмыс тіршілігіне, меншігіне қарсы құқық бұзушылықтар белең алуда.
— Нақты айтқанда, аса ауыр қылмыстар 16%-ға, онша ауыр емес қылмыстар 7%-ға , алаяқтық қылмыстары 5%-ға, интернет-алаяқтық 35%-ға, зорлау 37%-ға, оның ішінде кәмелетке толмағандардың жыныстық қол сұғылмаушылығына қарсы 7%-ға, қорқытып алу 32%-ға, есірткі қылмыстары 22%-ға, отбасы тұрмыстық қатынастағы қылмыстар едәуір өскен. – дейді РИЗАБЕК ОЖАРОВ, ҚЫЗЫЛОРДА ОБЛЫСЫНЫҢ ПРОКУРОРЫ.
P.S. Профилактикалық жұмыстарға жыл сайын бөлінетін қаржы өскеніне қарамастан құқық бұзушылықтар азаймауда. Одан бөлек қала, аудан әкімдіктерінде құрылған Құқық бұзушылық профилактикасы жөніндегі ведомствоаралық комиссияларының қызметіне де сын айтылды.
