Мектеп оқушысын жезөкшелікке итермелегендер жауапқа тартыла бастады. Үстіміздегі жылдың мамыр айында Қызылордаға жантүршігерлік оқиға тіркелген болатын. Бітіруші сыныптың оқушылары өз сыныптасын қорқытып, бопсалап тәнін сатуға мәжбүрлегені жария етілді. Жасөспірімдер ақша бопсалап, таппаған жағдайда целлофан пакетпен денесін күйдірген екен.
Қызылорда қаласының №2 сотында 21 жастағы сотталушының қылмыстық ісі қаралды. Анықталғаны ер азамат жәбірленушіні масқаралайтын мәліметтерді жариялаймын деп кәмелетке толмаған жәбірленушіден 700 000 теңге ақша тауып беруін талап еткен, сонымен қатар оның сөмкесін алып, ішінде тұрған 35 000 теңге ақшаны қорқытып алған.Сотталушының кінәсі кәмелетке толмаған жәбірленушінің біркелкі жауаптарымен, оқиға орнын қарап-тексеру туралы хаттамасымен, беттестіру жүргізу хаттамаларымен, сот психологиялық-психиатриялық сараптама қорытындысымен бекітілді.
— Қылмыстық кодекстің 194 бабы 2-бөлігі І-ші тармағымен кінәлі деп танылсын. Оған 4 жыл 6 ай мерзімге бас бостандығынан айыру жазасы тағайындалсын. Жазасын қылмыстық атқару жүйесінің орташа қауіпсіздік мекемесінде өтеу белгіленсін. Сотталушыға күзетте ұстау бұлтартпау жазасы өзгеріссіз қалдырылсын. Жаза өтеу мерзімі 2024 жылдың тамыз айының 16-шы тамызынан бастап есептелсін. – дейді БАЛҒАБАЙ ЖАҢАБАЕВ, ҚЫЗЫЛОРДА №2 ҚАЛАЛЫҚ СОТЫНЫҢ ТӨРАҒАСЫ.
P.S. Іс бойынша қылмыстық жауаптылықты ауырлататын мән-жайлар анықталмаған. Жеңілдетілген мән-жай ретінде оның бұрын сотталмағаны және жастығы ескерілді. Үкім заңды күшіне енбеген.
