Бүгінде сөре 300-ге жуық кітаппен тағы толықты. Яғни, Салтанат есімді қала тұрғыны кітаптарды сыйға тартып, жанашырлықтың үлгісін көрсетті. Түрлі жанрды қамтитын әдеби еңбектердің ойға қозғау салып, санаға сәуле түсірері сөзсіз.
– Жазасын өтеуші азаматтарды қайта әлеуметтендіру бағытындағы жұмыста кітаптың орны ерекше. Сондықтан, олардың сұранысын ескеріп, қажетті әдебиеттерді толықтыруға әрдайым мән беріп келеміз. Яғни, қорымызды мазмұнды, тәрбиелік әрі танымдық кітаптармен байытуға тырысамыз. Бүгінде мекеме кітапханасындағы жалпы кітап саны 5 мыңнан асты. Әрбір тарту етілген кітапты жоғары бағалаймыз. Осындай жанашыр жандардың қолдауы кітапхана жұмысын жандандырады, — дейді мекеменің кітапхана маманы Асылбек Бурханов.
Мекеме алдағы уақытта да игі бастамаға иек артып, құндылықты дәріптеуге ден қоя бермек.
