Бейнероликте ғасырлар бойы ұлт жадында сақталған асыл мұраның тарихы, шығу төркіні мен мән-маңызын ашатын қызықты деректер баяндалды. Домбыраның қос ішегінен төгілген күйдің халқымыздың қуанышы мен мұңын, ерлігі мен елдігін ұрпақтан ұрпаққа жеткізген рухани мұра екені әсерлі түрде көрініс тапты.
АКАӘПТЖББ-ның жасақ бастығы, әділет аға лейтенанты Бабахан Алтынбектің айтуынша, әрбір тәрбиелік іс-шараның түпкі мақсаты – адамның санасына ізгі құндылықтарды орнықтыру екен. Ұсынылған танымдық бейнеролик те жазасын өтеушілердің ұлттық мәдениетке деген қызығушылығын арттырып, халқымыздың рухани мұрасына құрметпен қарауға үндейді.
З.Қонысжан
