Тұрғындардың қауіпсіздігін қамтамасыз етуге, қоғамдық орындарда тәртіпті бақылайтын, жол қозғалысы ережелерін бұзғандарды автоматты түрде анықтайтын 72 бейнебақылау камералары орнатылған.
Аудандық полиция бөлімі ғимаратында бейнебақылау камералары арқылы түрлі құқықбұзушылықтарды анықтайтын арнайы кіші Жедел басқару орталығы жұмыс жасайды.
Сала қызметкерлерінің жергілікті атқарушы органдармен бірлесіп атқарған кешенді шаралардың нәтижесінде ауданымызда қылмыс деңгейі жыл сайын төмендеп келеді.
Мәселен, биыл өткен жылдың есепті кезеңімен салыстырғанда аудан бойынша қылмыстылық деңгейі 50-ден 40-қа, яғни -10 пайызға төмендеген.
Президентіміз «Заң мен тәртіп – қоғам тұрақтылығы мен халық қауіпсіздігінің басты кепілі» – деген болатын. Құқық қорғау органдарының материалдық-техникалық базасын нығайту бағытында да бірқатар жұмыстар атқарылуда.
Жуық арада ғана аймақ басшысы Мұрат Нәлқожаұлының қатысуымен Полиция күніне орай өткен салтанатты шарада өңіріміздің полиция қызметкерлеріне берілген 94 арнайы қызметтік автокөліктің 7еуі Қазалы аудандық полиция бөліміне берілді.
