Қылмыстық істі жүргізген тергеушілер күдікті ретінде марқұмның күйеуін қамаққа алды. Ол ауылда бақташы болып жұмыс істеген екен.Тез арада жас жұбайлардың арасында ұрыс болғаны белгілі болды. Жұмыстан келген еркек әйелін өзге біреумен ұялы телефонмен сөйлесіп отырғанын көріп, жанжал шығарған. Ұрыс кезінде тұрған үстелді сындырып, аяғымен келіншегін соққылаған. Оны аз көрген қаскөй қабырғада ілініп тұрған малдың ноқтасын алып, әйелінің басынан ұра берген. Салдарынан жиырма жастағы жұбайы сол жерде жан тапсырған. Адам өлтіргенін түсінген еркек жедел-жәрдем шақырып, өзі сол жерден бой тасалаған.
– Сот үкімімен сотталушы ҚК-тің 99 бабының 1-бөлігімен кінәлі деп танылып, 11 жыл 3 айға ҚК-тің 60-бабының 1-бөлігінің талабымен оңша қатал емес жазаны неқұрлым қатаң жазаға ішінара қосу арқылы түпкілікті 12 жыл бас бостандығынан айыру жазасы тағайындалды. Сотталушыға жазасын қылмыстық атқару жүйесінің қауіпсіздігі орташа мекемелерінде өтеу белгіленді. – дейді ГҮЛДАНА ДОСАН, ҚЫЗЫЛОРДА ОБЛЫСЫ ҚЫЛМЫСТЫҚ ІСТЕР ЖӨНІНДЕГІ МАМАНДАНДЫРЫЛҒАН АУДАНАРАЛЫҚ СОТЫНЫҢ БАСПАСӨЗ ХАТШЫСЫ.
P.S. Ерлі-зайыптылардың 1 жастан асқан қызы бар екен. Сот үкімімен бүлдіршін балалар үйінің қамқорлығына алынатын болды.
