Күнкөрісі қиындаған тәрбиешілер мен қарызға белшеден баттық деген құрылтайшылар білім бөлімі ғимаратына жиналды. Олар мемлекеттік тапсырысты орындағаны үшінберілетін қаражаттың толық төленуін талап етті. Келісім-шартқа сәйкес жеке бөбекжайда тәрбиеленетін бір бүлдіршінге мемлекеттен 76 205 теңге берілуі тиіс. Бірақ шенеуніктер ақпан айында әр баланың төлемінен 10 мың теңге, ал наурызда 20 мың теңге кемітіп тастаған. Бір қызығы, жеке балабақшаларға қаражат толық аударылып келеді деп көрсеткен.
— “20 мыңнан бала басына қысқарады дейді. Енді ойланып қараңыз, 20 мың деген әжептәуір ақша. Енді оның бәрі тәрбиешінің қалтасы. Қаншамаақша налогқа кетіп жатыр. Одан былай шығындарды айтпай-ақ қой. Оның бәрін есептеп тұрған бұл жерде адам жоқ. Керек пе, сен жеке кәсіпкерсің қалтаңнантөле дейді”, — дейді АЙДАНА ЖӘНІБЕКОВА, БАЛАБАҚША ҚҰРЫЛТАЙШЫСЫ.
Ауданда қазір 6 мыңнан аса бала жеке бөбекжайда тәрбиеленеді. Ал құрылтайшылар ақжағалылардың мұндай әрекетіне көніп, жұмысымызды жалғастыру мүмкін емес дейді. Сондықтан мәселе шешілмесе, жаппай мектепке дейінгі ұйымдардыжабуға бекініп отыр.
— Біздің қызметкерлерімізге жалақысын төлеу тапшылығы орнайтын деп тұр біріншіден. Екіншіден біз өзімізді-өзіміз ұстап тұру үшінбалабақшаны дамыту үшін бұл мына кемітілген қаржымен әрі қарай жұмыс жасау мүмкіншілігі жоқ екеніне көзіміз жеткендіктен біз жұмысты тоқтатсақ па деп отырмыз”, — дейді АЗАМАТ ҚҰРБАНҒАЛИ, БАЛАБАҚША ҚҰРЫЛТАЙШЫСЫ.
Ал жауаптылардың айтуынша бюджет тапшылығына сәйкес Үкімет басшысы жеке балабақшаларға төлем көлемін өзгертуді тапсырған. Сондықтан нақты сома бекітілгенше, тек Шиелі емес облыстағы барлық бөбекжайлардың қаражаты қысқарды дейді.
— Хаттамадағы тапсырмасында көрсетілген бізге жергілікті атқарушы органдар жан басына шаққандағы қаржыландырудың нормативін өзгерістер енгізу туралы. Сондықтан сол өзгерістер енгізіліп қаулы қабылданатын болса, бізөткен ақпан айындағы, наурыздағы төлемдердің барлығына қайта есептеме жүргізіп, артық-кемін құрылтайшылармен есептесетін боламыз”, — деп жауап берді ДӘУРЕН НӘСІБЕКОВ, ШИЕЛІ АУДАНДЫҚ БІЛІМ БӨЛІМІНІҢ БАСШЫСЫ.
Бірақ премьер-министр Олжас Бектеновтың қызылордалық шенеуніктерге берген тапсырмасында төлемді 10-20 мың теңгеден қысқарту туралы сөз қозғалмаған. Ал аудан прокурорлары білім бөліміндегілердің келісім-шартты толық орындамауызаңсыздық дейді.
P/S: Прокурорлар бөбекжай иелерінің шағымын егжей-тегжейлі тексеруді көздеп отыр.
