Желіде оқиға орнынан видео жарияланды. Видеодан өрт шалған аумақты көруге болады.
Төтеншеліктердің мәлімет, Министрліктер үйінің кіреберістерінің бірінде таңертең ертемен автоматты өрт дабылы іске қосылды. Оқиға орнына астаналық департаменттің өрт сөндірушілері жеткен.
«Белгісіз ер адам ғимаратқа кіріп, турникетке тұтандырғыш қоспа лақтырған, соның салдарынан шамамен 2 шаршы метр аумақта өрт шыққан. Өрт өрт сөндіргіштің көмегімен толығымен сөндірілді», – делінген хабарламада.
Ғимарат іші толық тексерілді. Зардап шеккендер жоқ.
Астана полиция департаменті өкілдері күдікке ілінген 24 жастағы ер адам ұсталғанын мәлімдеді.
«Өртті төтенше жағдайлар департаментінің қызметкерлері тез арада сөндірді. Зардап шеккендер жоқ. Бұл оқиға бойынша сотқа дейінгі тергеу басталды», — деп хабарлады департаменттің баспасөз қызметі.
Қазір оқиғаның мән-жайы анықталып жатыр.
