Әйтеке би кентінде жаңа қонақ үй іске қосылады

Бүгінде құрылыс жұмыстары толығымен аяқталып, нысан жуық арада ел игілігіне берілмек.
Заманауи талаптарға сай бой көтерген қонақ үйде ресепшн, 17 номер (жалпы 37 орын), президенттік люкс, конференц-зал және лаунж аймақ қарастырылған. Бұл – ауданға келетін қонақтарға жайлы қызмет көрсетуге мүмкіндік беретін маңызды нысан.
Аудан басшысы жеке кәсіпкердің осындай игі бастамасына алғысын білдіріп, кәсіпкерлікті дамыту арқылы өңір экономикасына серпін беретін жобаларға әрдайым қолдау көрсетілетінін атап өтті.
Қазалы ауданында туризм мен қызмет көрсету саласын дамыту бағытындағы жұмыстар алдағы уақытта да жалғасын таба беретін болады.