«Өмірсерік Тұратұлы, осы салада тәжірибеңіз жеткілікті білікті мамансыз. Өзіңізге жүктелген міндеттерді жоғары жауапкершілікпен атқарады деп сенім білдіреміз. Сізге тұтынушыларға берілетін электр энергиясының сапасын бақылау және реттеу, электр желілерінің үздіксіз жұмыс істеуін қамтамасыз ету, техникалық қызмет көрсету, тексеру, жөндеу, сондай-ақ, электр жабдықтарын уақытылы ауыстыру жұмыстарын жүргізу міндеттері жүктеледі. Жаңа қызметіңізде сәттілік тілеймін», – деді ҒАНИ СҮЛЕЙМЕНОВ, ЖАЛАҒАШ АУДАНЫ ӘКІМІНІҢ ОРЫНБАСАРЫ.
Өмірсерік Тұратұлы 1984 жылы дүниеге келген. Білімі жоғары. Қорқыт ата атындағы Қызылорда мемлекеттік университетін инженер – энергетик мамандығы бойынша бітірген. Еңбек жолын 2006 жылы Жалағаш аудандық электр торабының кезекші электромонтеры болып бастаған.
Әр жылдары Жалағаш аудандық электр торабында тұтынушылармен жұмыс жасау инженері, жоғары кернеу желісі және қосалқы станция шебері болып қызмет атқарған.
2024 жылдан бастап осы кезге дейін Жалағаш аудандық электр торабының бас инженері қызметін атқарып келді.
