Шара барысында қонақтар шағын цехтан бастау алған кәсіпорынның бүгінде жоғары технологияларға негізделген өндірістік кешенге айналған жетістіктерімен танысып, отандық жиһаз өндірісінің даму қарқынына куә болды.
Фабрика жұмысы кәсіпкерлікті қолдау жөніндегі мемлекеттік саясаттың нақты нәтижелерінің бірі саналады. 2024 жылы кәсіпкер Амангелді Панабеков мемлекеттік бағдарламалардың мүмкіндігін тиімді пайдаланып, Қызылорда аймақтық инвестициялық орталығы арқылы жылдық 6 пайыздық мөлшерлемемен 59 миллион теңге көлемінде жеңілдетілген несие алған. Сонымен қатар жергілікті атқарушы органдар мен «Самұрық-Қазына» қорының қолдауымен «Саяхат» шағын ауданынан 1 гектар жер телімі бөлініп, заманауи өндірістік кешеннің құрылысы жүзеге асырылды.
Өткен жылдың желтоқсан айында ресми түрде іске қосылған жаңа фабрика бүгінде аймақтағы жиһаз өндірісінің ірі орталықтарының біріне айналып отыр. Кәсіпорында енгізілген автоматтандырылған өндірістік желілер мен цифрлық басқару жүйелері өндірістің тиімділігін арттырып, өнім сапасын халықаралық талаптарға сәйкестендіруге мүмкіндік беруде.
Фабрикадағы өндірістік процестердің басым бөлігі цифрландырылған. Компьютерлік жобалау бағдарламалары арқылы әрбір жиһаздың дизайны алдын ала әзірленіп, автоматтандырылған кесу, өңдеу және құрастыру желілері арқылы жоғары дәлдікпен дайындалады. Цифрлық басқару жүйелері шикізат қорын есепке алу, өндірістік жоспарлау, тапсырыстарды бақылау және дайын өнімнің сапасын қадағалау жұмыстарын оңтайландырып, өндіріс уақытын қысқартуға және шығындарды азайтуға мүмкіндік береді.
Бүгінде кәсіпорын жылына 35 мың бірлікке дейін кеңсе, тұрғын үй, мектеп, балабақша және денсаулық сақтау мекемелеріне арналған корпус, металл және жұмсақ жиһаз шығарады. Өнімдердің сапасы мен қолжетімді бағасы тұтынушылардың сеніміне ие болып, «Қызылордада жасалған» бренді республика көлемінде кеңінен танылып келеді.
Қазіргі таңда фабрика өнімдеріне Қызылорда облысынан бөлек Алматы, Астана, Шымкент, Ақтау, Тараз және еліміздің өзге де өңірлерінен тұрақты түрде тапсырыстар түсуде. Тапсырыс берушілер қатарында мемлекеттік мекемелер, халыққа қызмет көрсету орталықтары, білім беру және денсаулық сақтау ұйымдары, сондай-ақ жеке кәсіпкерлік субъектілері бар. Бұл кәсіпорын өнімдерінің сапасы мен сенімділігінің жоғары екенін көрсетеді.
Заманауи өндіріс орны электрондық құжат айналымы, цифрлық есеп жүйелері және логистикалық процестерді автоматтандыру арқылы клиенттермен жұмысты жаңа деңгейге көтерген. Онлайн тапсырыс беру, өнімді дайындау кезеңдерін бақыла
