Жыл сайын ұйымдастырылатын сенбіліктер мен тазалық шаралары барысында аудан орталығы мен барлық елді мекендердегі күл-қоқыс тазартылып, арнайы орындарға шығарылуда.
Алайда, атқарылған жұмыстарға қарамастан, кейбір тұрғындардың қоршаған ортаға немқұрайлы қарауы салдарынан тазаланған аумақтар қайта ластануда. Атап айтқанда, тұрмыстық қалдықтар мен кәріз суларын белгіленбеген орындарға төгу, сондай-ақ бейіттер аумағына қоқыс тастау деректері жиі кездесуде.
Осыған байланысты аудан көлемінде тиісті мекемелердің бірлесуімен рейдтік іс-шаралар ұйымдастырылып, арнайы жұмысшы топ тұрақты түрде бақылау жүргізуде. Қазіргі таңда тазалық талаптарын бұзғандарды анықтау мақсатында дрондар қолданылып, құқықбұзушылықтар әуеден бақылауға алынуда. Нәтижесінде, заң талаптарын бұзған азаматтарға тиісті шаралар көріліп, айыппұлдар салынуда.
«Тазалық – тазаланған жерде емес, сақталған жерде» деген қағиданы естен шығармайық. Осы ретте барша аудан тұрғындарын туған жеріміздің тазалығына бейжай қарамай, қоршаған ортаны таза ұстауға және белгіленген талаптарды сақтауға шақырамыз.
Тазалық – әрқайсымыздың ортақ міндетіміз!
