Аудан әкімдігінің мәжіліс залында өткен шара барысында аудан басшысы Айгүл Қайыржанқызының ауданның әлеуметтік-экономикалық дамуына, білім саласының өркендеуіне қосқан елеулі үлесін атап өтіп, көп жылғы адал еңбегі мен кәсіби біліктілігі үшін алғысын білдірді.
-Айгүл Қайыржанқызы бар саналы ғұмырын білім саласына арнаған ардақты жан. Атырау (Гурьев) қаласындағы педагогикалық институтты тәмамдаған соң алғашқы еңбек жолын 1988 жылы Қ.Пірімов ауылындағы мектеп интернатта тәрбиеші болып бастаған. 1990-2013 жылдар аралығында Әйтеке би кентіндегі «Айгөлек» балабақшасында тәрбиеші, әдіскер, 2013-2016 жылдары «Балапан» балабақшасында әдіскер болып еңбек атқарды. 2016 бастап бүгінгі күнге дейін аудан орталығындағы «Балапан», «Шұғыла» балабақшасының меңгерушісі қызметтерін абыроймен атқарып, ауданымыздың әлеуметтік-экономикалық дамуына зор үлесін қосты. Талапшыл, іскер, еңбекқорлық қасиеттерінің арқасында өзіне сеніп тапсырылған міндеттерді орындауда аса жауапкершілік танытып, әріптестерге деген адамгершілік қасиетімен ерекше өнегесін көрсетті. Халықтың ыстық ықыласына да бөлене білді. Бар саналы ғұмырын білім беру саласына арнап, ауданымыздың әлеуметтік-экономикалық дамуына өлшеусіз үлес қосқан Айгүл Қайыржанқызын бүгінгі қуанышты күнімен құттықтай отырып, зор денсаулық, отбасыңызға амандық, ұзақ ғұмыр, қажымас қайрат тілеймін, — деді АЛМАСБЕК ӘБІЛҚАСЫМҰЛЫ.
Салтанатты жиында Айгүл Қайыржанқызына ауданымыздың ең жоғары марапаттарының бірі – «Құрмет грамотасы» табысталып, ұлттық дәстүрге сай камзол мен жаулық жабылды.
Жиында аудандық мәслихат төрағасы Ғазиз Әліш, білім және мемлекеттік қызмет саласының ардагері Ғабит Бәймішев, ҚР Білім беру ісінің үздігі Бибісара Есмағанбетова сөз сөйлеп, жүрекжарды лебіздерін білдірді.
Кездесу соңында Айгүл Қайыржанқызы мерейлі зейнет жасына орай арнайы қабылдап, құрмет көрсетіп жатқан аудан әкімі мен ел ағаларын шынайы ризашылығын жеткізді.
