Атап айтқанда, «Самара–Шымкент» бағытындағы автожол бойындағы Исатай Әбдікәрімов көшесінің қиылысында бағдаршам орнату жұмыстарының жай-күйін бағамдады. Аталған аумақта көлік қозғалысының қарқындылығы артып, кептеліс жиі орын алуына байланысты жол қауіпсіздігін қамтамасыз ету және қозғалысты реттеу мақсатында бағдаршам орнату жұмыстары қолға алынған. Бұл өз кезегінде тұрғындар үшін қолайлы әрі қауіпсіз орта қалыптастыруға мүмкіндік береді.
Сонымен қатар, өткен жылы абаттандыру мақсатында осы автожол бойындағы Исатай Әбдікәрімов көшесінің қиылысында көрнекі ақпараттық тақталар орнатылған болатын. Аталған тақталарда Мемлекет басшысы Қасым-Жомарт Кемелұлы Тоқаевтың ел дамуына бағытталған стратегиялық ұстанымдары мен маңызды үндеулері қамтылып, көше келбетіне ерекше сән беріп тұр.
Бұдан бөлек, «Самара–Шымкент» автомобиль жолының 8 шақырым бөлігін қайта жаңғырту жұмыстары да қарқынды жүргізілуде. Жалпы құны 1 млрд 700 млн теңгені құрайтын жоба аясында жол сапасын жақсарту, инфрақұрылымды жаңарту бағытында кешенді жұмыстар жүзеге асырылуда.
Жалпы, аудан көлемінде жүргізіліп жатқан абаттандыру және инфрақұрылымды дамыту жұмыстары тұрғындардың өмір сүру сапасын арттыруға және өңірдің келбетін жақсартуға бағытталған.
Аудан басшысы Айтбай Жандарбеков атқарылып жатқан жұмыстардың сапасы мен мерзіміне ерекше назар аударып, жауапты сала басшыларына нақты тапсырмалар жүктеді.
@Шиелі ауданы әкімінің баспасөз қызметі
