Оның бұрынғы жұбайы Фариза Алмасқызы өзінің әлеуметтік желідегі парақшасына актердің өзіне ауыр сөздер айтқанын жариялады.
«Ажырасқалы осы 1 жыл 8 ай ішінде, балаларым үшін, балаларымның әкесі деп қарап, намысына тиетін сөз, артық әнгіме айтпаппын, тіпті жауап бермеймін, өзі бастап жазып, өзі аяқтайды. Барлығын бір Аллаға тапсырдым деп жүре беріппін. Бірақ менің үндемегенімді ол “әлсіздік” деп қабылдаған сияқты. Менің жеке басыма ғана тиіспей, өзінің туған балаларына, менің әке шешеме, әулетіме тіл тигізіп, қатты шектен шығып жатыр. Қаншама рет жала жапты, өтірік «левый» аккаунттармен өзіне жазып, соны халыққа шығарып мені жамандауын қояр емес. Халық болып бір ауыздан аты өшетіндей, байкот жариялағым келеді. Барлықтарыңыздың қолдауларыңыз мен үшін маңызды», — деп жазды Фариза Алмасқызы.
Сонымен қатар Нұрсұлтан Жақсыгеннің хаттарында жариялады.
«Он бала тапсаң да қадірің жоқ», «аулақ жүріңдер, сығандар», «надан етіп тәрбиелеген әке-шешеңе рахмет», «балаларды көрмей-ақ қойдым», «қазір заң сатылады, өзім шешіп аламын», «қыздығыңды алған мен ғой, бастысы», «донерка» ашсам, әкеңді жұмысқа алам, шешеңді кассир қылам, саған «уборка» жасатам», «жалынып келетін күн туар», — деп жазған актер.
Осыдан кейін желі қолданушылары Фариза Алмасқызына қолдау білдіріп, түрлі пікір қалдырған.
