Бүгін аудан әкімі Алмасбек Есмаханов орталық көшеге жүргізіліп жатқан күрделі жөндеу жұмыстарын көріп, көше тұрғындарымен тілдесті.
Желтоқсан көшесі — кент ішіндегі көлік қозғалысы жиі жүретін, тұрғындар тарапынан жиі көтерілетін мәселенің бірі болатын. Бүгінде бұл мәселе шешімін тауып, тұрғындар дән риза. Аудан әкімі жол құрылысымен айналысып жатқан мердігер мекеме «Строймодуль Астана» жауапкершілігі шектеулі серіктестігінің жауапты өкілі мен тиісті сала басшысына белгіленген жұмыстарды мерзімінде, әрі сапалы етіп аяқтауды тапсырды.
Айта кетейік, биыл Әйтеке би кентіндегі 15 көшеге жоспарланған орташа және күрделі жөндеу жұмыстарының 13 — іне асфальт төсеу жұмыстары толықтай аяқталса, Желтоқсан және Төремұрат жырау көшесіндегі жоспарланған жұмыстар желтоқсан айында толықтай аяқталатын болады.
