«Қазақстан Республикасының жергілікті мемлекеттік басқару және өзін-өзі басқару туралы Заңына және аудандық сайлау комиссиясының сайланған әкімдерді тіркеу туралы шешіміне сәйкес Тоғызбаев Мардан Марсбекұлы Мақпалкөл ауылдық округінің әкімі лауазымына сайланды.
Мардан Марсбекұлы, өзіңіз білесіз, ауылдық округ әкіміне қойылатын талап өте жоғары. Елді мекенде қоғамдық-саяси ахуалды қамтамасыз етіп, ауылдың әлеуметтік-экономикалық дамуы бағытында аянбай еңбек ету қажет.
Ауылға инвестиция тарту, салық базасын ұлғайту, кәсіпкерлікті дамыту арқылы жаңа жұмыс орындарын ашу бағытында нәтижелі жұмыс жасауды тапсырамын.
Жаңа қызметіңізге сәттілік тілеймін!», – деді АРДАҚ ИБРАИМОВ.
Мардан Марсбекұлы 1991 жылы дүниеге келген.
Білімі жоғары. Болашақ университетін құқықтану мамандығы бойынша бітірген.
Еңбек жолын 2013 жылы ҚР Ішкі істер органдарында бастап, 2018 жылға дейін осы салада түрлі жауапты қызметтер атқарған.
2022-2025 жылдары Мақпалкөл ауылдық округі әкімі аппаратында жетекші маман қызметін атқарды.
2025 жылдан осы кезге дейін Мақпалкөл ауылдық округі әкімі аппаратында бас маман қызметін атқарып келді.
Аудандық сайлау комиссиясының төрағасы Шарабан Қалыбаев сайлау қорытындысымен таныстырып, сайланған ауыл әкіміне куәлік табыстады.
Айта кетейік, «Қазақстан Республикасындағы сайлау туралы» Конституциялық заңына сәйкес аудандық сайлау комиссиясының қаулысы негізінде 2026 жылғы 3 мамырға Жалағаш кенті мен Мақпалкөл ауылдық округі әкімдерінің сайлауы тағайындалып, өткізілді.
Сайлау науқаны барысында тұрғындар белсенділік танытып, өз таңдауларын жасады.
