Бұл туралы Премьер-министрдің орынбасары Қырымбек Көшербаев мәлімдеді.
Декреттік демалысқа шыққан аналарға бала күтіміне байланысты жәрдемақыны 1,5 жылдан артық уақыт төлеу мүмкін бе?» деген сұрақты жиі естимін. Мен тіпті, 3 жылдан артық уақыт (жәрдемақы – ред.) төлеуге қарсы емеспін. Ақша болса, әрине, төлейміз. Бәрі мүмкіндікке қарай жасалады. Мәселе – ол ақшаны қайдан табамыз деген сұрақта, — деп атап өтті Үкімет басшысының орынбасары.
Премьер-министр бала күтіміне байланысты демалыстағы әйелдерге 1,5 жыл бойы төленетін жәрдемақыны төмендету туралы сұраққа жауап берді. Сонымен қатар ол жәрдемақының көлемін ұлғайту үшін не қажеттігіне тоқталды.
Ол үшін барлық сол бағдарламаларға сәйкесінше, «оптимизация» мен ревизия жасалуға тиіс. Көп жағдайда бағдарламалар бір-бірін қайталайды. Сол сияқты ваучерлік бағдарламалар да діттеген жеріне жете ме, жоқ па деп күмәнданып жатамыз. Түрлі жұмыс қазір қолға алынып, жүргізіліп жатыр. Ал декреттік демалыста отырған әйелдерге төленетін 1,5 жасқа дейінгі жәрдемақының көлемі төмендейтіні туралы ештеңе естіген жоқпын, — деді Қырымбек Көшербаев.
Фото:baq.kz
