Осыған орай «Дін мәселелерін зерттеу орталығының» теолог маманы Ж. Нұрсейітов атындағы №233 орта мектепте оқушылармен кездесті.
Кездесу барысында еліміз бойынша соңғы 5 жыл ішінде 105 қылмыс бет-жүзді жабатын маска және басқа да құралдар қолдану арқылы орын алғаны түсіндірілді. Теологтардың айтуынша Ислам дәстүрі тұрғысынан бетті тұмшалау парыз немесе діни міндет болып саналмайды. Дәстүрлі исламда басты талап – әдептілік, ибалық және қоғаммен үйлесімді өмір сүру. Ал бетті толық жабуды діни талап ретінде түсіндіру көбіне радикалды ағымдардың ықпалымен таралады.
Іс-шара соңында оқушылар зайырлылық қағидаттары төңірегінде көкейдегі сауалдарын жолдап, тұщымды жауаптар алды.
