Бүгінде орталыққа құны 326,6 млн теңге болатын компьютерлік томограф аппараты іске қосылса, жыл соңына дейін аудан тұрғындары үшін өзекті мәселелердің бірі болып келген МРТ құрылғысы орнатылмақ.
Елді мекендердегі денсаулық сақтау ұйымдарына 26 дана жедел жәрдем автокөлігі табысталып, ауданда санитарлық автокөлікпен қамту мәселесі толыққанды шешілді.
Ауданымызда медицинаның маңызды бағыттарының бірі ана мен бала денсаулығын сақтау бағытында да ауқымды жұмыстар атқарылуда. Жыл басынан бері ауданымызда 664 сәби дүниеге келді. (2025 жылы 6 ай — 784)
Ауданның денсаулық сақтау саласында айтулы жаңалықтар болды. Мәселен, өткен жылы аудандық ауруханада жүрек ырғағының бұзылыстары бойынша алғаш рет аритмологиялық жоғары мамандандырылған оталар жасалынды. Мұндай жоғары мамандандырылған ота Республика бойынша аудандар арасында алғаш рет Қазалы ауданында жасалынып отыр.
