Жергілікті irbis.tv сайтының мәліметіне сүйенсек, марқұм биыл қыркүйек айында жан тапсырған.
«Биыл 8 қыркүйек күні Жеңіс бір жақ тізесі ауырып, қаладағы жекеменшік клиникалардың біріне барған. Дәрігер «оң жақ тізесінің буыны ауырады» деген диганоз қойып, екпе тағайындаған. 10 қыркүйек күні сағат 15:50-де дәрігер екпе салған. 11 қыркүйек күні таңертең Жеңіс ауырып, ісініп кеткен. Жедел жәрдем 40-50 минуттан кейін келген. Ал ем тағайындаған дәрігер аспирин мен диклофенак препараттарын ұсынды», — дейді марқұмның туыстары.
12 қыркүйек күні Жеңістің жағдайы күрт нашарлап, ыстығы көтерілген, әлсіреп, тіпті есінен тана бастаған. Жақындары оны Екібастұздың ауруханасына апарғанда дәрігерлер бірден емдей бастаған. 13 қыркүйек күні Жеңіс реанимацияға түсіп, 14 қыркүйек күні жан тапсырған.
«Біз оның өлімі дәрігерлердің мойнында деп санаймыз. Оған екпе салған дәрігер де, жағдайға дер кезінде баға бере алмаған жедел жәрдем де жауапты», — дейді марқұмның туыстары.
Ал, Павлодар облысының полиция департаменті дәрігерлерге қатысты «кәсіби қызметін дұрыс орындамаған» бабымен қылмыстық іс қозғап, тергеу бастаған.
фото: inform.kz
