Аудандық Мансап орталығы ұйымдастырған жәрмеңкеге жұмыс іздеушілермен қатар пробация қызметінде есепте тұрған азаматтар да қатысты. Нәтижесінде екі сотталған жол құрылысы саласына жұмысшы ретінде жолдама алды.
– Бос жұмыс орындары жәрмеңкесінде мамандардан кеңес алып, жол құрылысына жұмысшы ретінде жолдама алдым. Жұмыс табу да оңай емес. Адал еңбегіммен отбасымды асырауыма мүмкіндік алғаныма қуаныштымын, – деді пробация есебіндегі азамат.
Қазіргі таңда Қазалы аудандық пробация қызметінің есебінде 70-тен астам адам тұр. Оларды қоғамға бейімдеу, еңбекпен қамту және қайта қылмыс жасаудың алдын алу мақсатында осындай шаралар жүйелі түрде ұйымдастырылып келеді.
