«Желіде марқұм Арман Дүйсенов бауырымыздың жары Айсұлу ханым көптеген мәліметтер беріп, үйім жоқ, далада қалдым деп айтып жатыр. Оның бәрі біздің жүрегімізге батады. Мен миллионердің әйелі емеспін. Өзім-ақ алып берер едім, бірақ менде артық ақша болмайды. Сондықтан әкімдіктің жігіттеріне хабарласып, қалай көмек беруге болатынын сұрадым. Қазір әкімдіктің балансында үй болмайды екен. «Әй, үйді бере қоймайды-ау» деген әңгіме естідім. Енді менің сенетін бір адамым бар, ол – өздеріңізге белгілі Баян Мақсатқызы. Баянның күйеуі миллиардер», — деді халық әртісі
Сондай-ақ ол қазақ бауырмал халық, сондықтан қиындықта бір-біріне көмектесуі керек екенін жеткізді.
«Арман Дүйсенов Баян Мақсатқызын қатты сыйлайтын. Қашан көрсең, Баянға өте жоғары баға беріп отыратын. Оның көптеген жобасына атсалысты. «Кешьюдің» әндерін жазып берген. Досым деп айтатын. Сондықтан Баянға ғана сеніп отырмын. Жолдасы екеуі ақылдасып шешетін шығар. Баянжан, бірдеңе қылып бір үй алып беріңіздер. Сіздердің абыройларыңыз одан сайын асқақтайды деген ойдамын. Мүмкін жарты ақшасын біз жинап берерміз. Екі тойға барып, ақшасын көмек ретінде берейін. Бірақ қалғандары бере ме, жоқ па, айта алмаймын. Баянжан мен сізге сенемін. Халықтан ақша жинамай-ақ қояйық, ұят болатын шығар», — деді Мақпал Жүнісова.
