Әлеуметтік желіде күдікті қылмысқа ауруханада істейтін әйелін жас дәрігерден қызғанғаннан барған деген ақпарат тарады. Ал күдікті жасаған ісін мойындап, полицияға өзі берілген екен:
«28 қаңтар күні Жаңаөзен қаласында пышақ жарақаты салдарынан 29 жастағы ер адам көз жұмды. Алдын ала анықталғандай, қақтығыс ер адамдар арасында отбасылық-тұрмыстық жанжал негізінде туындаған. Оқиғадан кейін күдікті Жаңаөзен қалалық полиция басқармасына өз еркімен келді. Полиция ҚР ҚК-нің 99-бабы 1-бөлігі (адам өлтіру) бойынша қылмыстық іс қозғады», — деп хабарлады ПД баспасөз қызметі.
