Жыл басынан бері 625 жағдайы тіркеліп, 100 мың халыққа шаққандағы аурушандық көрсеткіш 72,2 құрады. Бұл көрсеткіш 2024 жылдың ағымдағы мерзімімен салыстырғанда 5 жағдайға төмендеген.
Ауруға шалдыққандардың 81% — 14 жасқа дейінгі балалардың үлесінде.
Қазіргі уақытта жіті ішек инфекцияларының көбі тағаммен байланысты және олардың саны жаз-күз мезгілдерінде артады, себебі осы уақыттарда жеміс-жидектер көп қолданылады. Сонымен қатар аурулардың тарауына шыбын-шіркейлер үлкен әсерін тигізеді, олар жіті ішек инфекция қоздырғыштарын тасымалдайды.
Алдын алу іс-шараларын сақтағанда ғана адам өзін және жақындарын жіті ішек инфекцияларынан қорғай алатынын ескертеміз! Келесі сақтық шараларын ұсынамыз:
• Жеке бас гигиенасы ережелерін сақтау, ас дайындауда – өңдеу, тасымалдау мен сақтау ережелерін орындау, тамақ ішер алдында, дәретханадан кейін қолды өте мұқият тазартып жуу;
• Тұрғылықты жерлердің, үй маңын таза ұстау;
• Алдын ала термиялық өңдеусіз пайдаланатын тамақ өнімдерін ластанудан сақтау: қаймақ, сүзбе, ірімшік және т.б;
• Тез бұзылатын кондитерлік өнімдерді, әр түрлі салаттарды, дайындалған ыстық тағамдарды, азық-түліктерді тоңазытқышта дұрыс сақтау, жеміс-жидектерді пайдалану алдында тазартып жуу және қайнаған сумен шаю;
• Кездейсоқ су көздерінен суды ішуге немесе ыдыс жууға пайдаланбау.
• Арнайы бөлінген жағажайларда шомылу керек.
Кез келген ішек ауруларының алғашқы белгілері пайда болғанда дереу емханаға хабарласу қажет.
Әлия Әбдіқайымова
Қызылорда облысының СЭБД басшысының орынбасары
