Жиында Дәурен Оңғарбайұлы кәмелет жасқа толған жастардың әскери борышын өтеуге жіберу күн тәртібінен түспейтін өзекті мәселелердің бірі екендігін айтты. Сондай-ақ көктемгі мерзімді әскерге шақыру жұмыстарында орын алған кемшіліктерге тоқталып, күзгі шақыру маусымында бұл кемшіліктер қайталанбауы тиіс екендігін жеткізді. Сонымен қатар кент, қала және ауылдық округ әкімдеріне тиісті сала басшыларымен бірлесе отыра білім ошақтарындағы жоғары сынып оқушылары арасында, жастар арасында елге қызмет, патриотизм, ер мінезділікті қалыптастыру мақсатында, әскерге шақырылушыларға берілетін жеңілдіктер және тағы да басқа мүмкіндіктер жайында түсіндіру, насихаттау жұмыстарын жүйелі түрде жүргізу керектігін айтты.
Жиын барысында көктемгі мерзімді әскерге шақыру жұмыстарының қорытындысы және күзгі мерзімді әскерге шақыру жұмыстары бойынша аудандық қорғаныс істері жөніндегі бөлімінің бастығы Нұрлан Көлбаев хабарлама жасады.
Комисия отырысы барысында тиісті сала басшыларына күзгі мерзімді әскери қызметке шақыру жұмыстарын жоғары деңгейде ұйымдастырып, қатаң бақылауға алу, әскери қызметке шақырылушылардың уақытылы медициналық сараптамадан өтуін қамтамасыз ету, әскерден жалтарып жүрген азаматтарды әскерге тарту және ондай азаматтарға тиісті шара қабылдау жұмыстарын күшейту жөнінде нақты тапсырмалар берілді.
Комиссия отырысының соңында Дәурен Оңғарбайұлы көктемгі мерзімді әскери шақыру маусымын өз деңгейінде ұйымдастырып, жастардың отан алдындағы борышын өтеу жұмыстарына атсалысқан бірқатар ауылдық округ әкімі аппараттарының жауапты мамандарына аудан әкімінің міндетін атқарушының «Алғыс хатын» табыстады.
