Жоғары сыныптың оқушысы мен колледж студенті арасында жанжал туындаған. Жаға жыртысқан тараптардың бірі екіншісіне суық қаруды сұғып алыпты. Күдікті көп ұзамай ұсталды. Ал, жәбірленуші №267-ші мектепте оқиды. Бірақ білім ошағының басшылығы қанды оқиға сабақтан тыс уақытта болған деп өздеріне шаң жуытпады. Қазір істің мән-жайы анықталып жатыр.
— Кәмелетке толмаған жасөспірімге қасақана ауыр дене жарақатын келтіру фактісі бойынша қылмыстық іс қозғалды. Қазіргі уақытта оқиғаның барлық мән-жайын анықтауға бағытталған тергеу амалдары жүргізілуде. Кәмелетке толмаған күдікті ұсталып, уақытша ұстау изоляторына қамалды, — дейді СЕРІК ТОҚТЫБАЕВ
ҚЫЗЫЛОРДА ОБЛЫСТЫҚ ПОЛИЦИЯ ДЕПАРТАМЕНТІ БАСШЫСЫНЫҢ ОРЫНБАСАРЫ
