Бейнебақылауға мұғалімнің алдымен шкаф жанына барып, өз қолымен шегені бұрап алғаны, сонан соң оны оқушыға сұғып алғаны түсіп қалған.
Pavlodarnews.kz мәліметінше, оқиға орнына полиция қызметкері шақырылған.
Ал Павлодар қалалық білім бөлімінің мәліметінше, оқиға №26 орта мектепте тіркелген.Математика пәні мұғалімі тақтада тұрған оқушының жанынан өтіп бара жатып, оны белгісіз затпен нұқып кеткен.
Педагогтің бұл әрекеті бейнебақылау камераларына тіркеліп, кейін әлеуметтік желіге тараған.
Дегенмен мектеп медбикесі баланың денесінде ешқандай белгі жоқ екенін айтқан.
Сондай-ақ оқушыны жедел жәрдем бригадасы да тексеріп, жарақат алмағанын анықтаған.
«Мұғалім өзінің әрекетіне өкініп, баланың ата-анасынан кешірім сұрады», — деп қосты білім бөлімінен.
P.S Қазіргі таңда мұғалім қызметінен босатылды. Аталған іске байланысты білім бөлімі мен полиция өз бақылауына алған.
