Құрметті қонақты аудандық мәслихат төрағасы Ғазиз Әліш қарсы алып, ауданның бүгінгі тыныс-тіршілігімен таныстырды.
Сапар барысында Оңталап Серікбайұлы Руханият орталығына барып, ауданның тарихы, мәдениеті мен рухани өмірімен танысты. Кездесуде Ғазиз Әлмәмбетұлы Президентіміздің, Үкіметтің және облыс әкімінің қолдауымен жүзеге асып жатқан игі жұмыстар, Қазалының өткені мен бүгіні, ауданның әлеуметтік-экономикалық даму бағытында жүзеге асырылып жатқан жобаларды атап өтті.
Жерлесіміз ауданның тыныс-тіршілігіне қанық болып, ел игілігі жолында атқарылып жатқан жұмыстарға оң бағасын беріп, туған жердің әлеуметтік-экономикалық әлеуеті артып, елді мекендердің көркейе беруіне ізгі тілегін жеткізді.
