Жалпы сөмке салмағы баланың дене салмағының 10%-нан аспауы тиіс. Белгіленген нормаларға сәйкес салмақ келесідей көрсеткіштерге сай болуы керек (ҚР ДСМ №ҚР ДСМ-76 бұйрығы):
1–3 сынып — 2 кг дейін;
4–5 сынып — 2,5 кг дейін;
6–7 сынып — 3,5 кг дейін;
8–11 сынып — 4,5 кг дейін.
Оқушы сөмкесін таңдау кезінде келесі көрсеткіштерге мән беріңіз:
Белдіктер — кең, жалпақ және жұмсақ төсемімен болғаны дұрыс;
Арқасы — ортопедиялық;
Материалы — жеңіл, су өткізбейтін болғаны абзал;
Міндетті түрде жарық шағылыстырғыштары болуы керек.
Ата-аналар сөмкені тексеріп, артық заттардың болмауын бақылап отырғаны жөн. Балаңызды сөмкенің ілгіштерін екі иықпен киіп жүруге үйретіңіз. Бұл жүктеменің тепе-теңдігін қамтамасыз етеді. Ауыр болса, кітаптарды мектепте қалдыруды мұғаліммен ақылдасу ұсынылады.
Баланың денсаулығы — сіздің таңдауыңызға байланысты!
Ерлан Ұзақбаев
Қызылорда облысының СЭБД басшы орынбасары
