Психологтың айтуынша Ерке Есмахан күйеуіне деген махаббатының арқасында жарқырап жүр.
«Ерке Есмахан күйеуінен 12 жас үлкен болғанына қарамастан үнемі бойынан әйелге тән нәзіктік байқалады және сүйікті жар болып отыр. Енді талдайық. Концерттердің бірінде ол сахнаға үлкен қызыл худи киіп шықты. Біреулер оның киімі картоп салатын қапқа ұқсайтынын айтуы мүмкін. Алайда ол сахнаға шыққан сәттен, бәрінің назарын өзіне аудартады. Адамдар оған тамсана қарайды. Өйткені сұлулық киімде емес. Ерке өз-өзіне сенімді, әйелдік энергиясы мықты. Әнші өзіне, өзі ісіне және күйеуіне деген махаббаттан жарқырап жүр. Райм да оғам махаббетпен, ханшайымға қарағандай қарайды», — дейді психолог.
Ал оқырмандардың бірі жұлдызды жұпты жарасымды деп, бақыт тілесе, енді бірі ерлі-зайыптылардың жас айырмашылығына қатысты жарыса жазуда.
«Мен мұндай некеге қарсы болатынмын. Өйткені әпкем өзінен 12 жас кіші жігітке тұрмысқа шықты. Ажырасып кетті. Қазір Ерке мен Раймды көріп, оң көзқарас қалыптаса бастады. Ерке бірінші күйеуінен ажырасып, баламен тұрмысқа шықты. Дегенмен екеуінің үйлесімділікте өмір сүріп жатқаны байқалады. Бұл нағыз махаббат, бақытты болсын», — деп жазды әлеуметтік желі пайдаланушыларының бірі.
«Ол ақшадан жарқырап жүр. Бар болғаны сол. Егер Раймға сұраныс болмай, ақшасы таусылса, оның энергиясы бірден жоқ болады. Біз әйел болып жаратылдық, соның өзі энергия. Еркені асыра мақтаудың қажеті жоқ», — деп жазды тағы бір оқырман.
P.S. Еске салсақ, жұлдыз жұп Райм мен Еркенің үйлену тойы қызу талқыға түскен еді. Қазір ерлі-зайыпты екінші сәбидің дүниеге келуін күтіп жүр.
