Қамбаш көлінің жағалауында орналасқан лагерьде балалардың қауіпсіз әрі жайлы тынығуына барлық қажетті жағдайлар жасалған. Демалыс кезеңінде тәрбиеленушілер үшін мәдени-көпшілік, танымдық және спорттық іс-шаралар ұйымдастырылып, олардың шығармашылық қабілеттерін дамытуға және бос уақытын тиімді өткізуіне басымдық беріледі.
Биылғы жазғы маусымда 7 ауысым аясында аудан мектептерінен жалпыға бірдей міндетті білім беру қоры есебінен 832 баланы тынығумен қамту жоспарланған.
Лагерь алғашқы лекпен келген 130 баланы қабылдап, жазғы сауықтыру маусымының шымылдығын түрді.
Балалардың денсаулығын нығайтуға, олардың жан-жақты дамуына және сапалы демалысын қамтамасыз етуге бағытталған лагерь жұмысы жаз бойы жалғасады.
Қамбаштағы жазғы тынығу маусымы оқушыларға көтеріңкі көңіл-күй сыйлап, жаңа достар тауып, жарқын естеліктер қалыптастыруға мүмкіндік береді.
