Бүгін аудан әкімі Алмасбек Есмаханов тиісті сала басшыларымен бірге кент аумағында салынып жатқан спорт нысандарын аралап, құрылыс жұмыстарының сапасын көрді.
Алдымен аудан басшысы мәдени-демалыс кешені аумағындағы спорт кешенінің құрылыс сапасын бақылады. Жалпы құны 643 млн теңгені құрайтын нысанның құрылысын «Болашақ» ЖШС мердігер мекемесі жүргізуде. Қазіргі таңда нысанның шатырын жабу, қасбетін қаптау және ішкі сылақ жұмыстарын жүргізу жұмыстары атқарылуда.
Аудан әкімі құрылыс жұмыстарының сапасына ерекше мән беру қажеттігін атап өтіп, мердігер мекеме басшысына нысанды белгіленген мерзімде аяқтап, ел игілігіне табыстауды тапсырды.
Бұған дейін аудан басшысы Әйтеке би кентіндегі спорт алаңдарының жағдайымен танысып, жаңа нысандар салу және тозығы жеткен алаңдарды жөндеу бойынша нақты тапсырмалар берген болатын. Осыған сәйкес, қазіргі таңда кентте 2 жаңа спорт алаңының құрылысы басталып, тағы 2 спорт алаңына ағымдағы жөндеу жұмыстары жүргізілуде.
Аудан әкімі жаңадан бой көтеріп жатқан тұрғын үй аймағындағы А. Әсербаев пен Ж. Құдабаев көшелерінің қиылысында салынып жатқан жаңа спорт алаңын және №276 мектеп жанындағы бой көтерген жаңа спорт алаңдарының құрылысын көрді. Спорт алаңдарын құрылысы бойынша мердігерлерге бірқатар кемшіліктерді атап көрсетіп, қайта қалпына келтіруді және 1 маусымға дейін екі спорт алаңыныңда құрылысын сапалы етіп аяқтауды тапсырды. Ал кент әкіміне жаңа спорт алаңдарын бейнебақылау камераларымен жабдықтап, түнгі жарықпен қамтамасыз ету жөнінде бірқатар тапсырмалар берді.
