Ауқымды шараға аудандағы барлық мекеме-кәсіпорындардың қызметкерлері, жастар, еріктілер, сондай-ақ тұрғындар қатысып, қоршаған ортаның тазалығы мен көркейуіне өз үлестерін қосты.
Тазалық шарасы барысында аудан орталығы — Әйтеке би кенті мен барлық ауылдық округтердегі саябақтар, көшелер, скверлер, шашылған қоқыстардан тазартылып, көше бойындағы ағаштардың түптері әктеліп, қоршауларды, бағаналарды сырлау жұмыстары жүргізілді. Сонымен қатар аяқ су арықтары мен көше бойындағы ретсіз өскен шөптер шабылып, арнайы орындарға шығарылды.
Әйтеке би кентіндегі 7 аймақ бойынша жасалып жатқан тазалық жұмыстарын аудан әкімінің міндетін атқарушы Жалғас Сүйеубаев аралап, тазалық жұмыстары бойынша тиісті сала басшыларына тапсырмалар жүктеді.
