Сапар барысында «Жалаңтөс батыр» ЖШС егіс алқабы және
«РЗА» акционерлік қоғамының жаңбырлатып суару технологиясы арқылы егілген жүгері алқабында болды. Бұл технология су ресурстарын үнемдеуге мүмкіндік беріп, егіс алқаптарында өнімділікті арттыруға ықпал етеді. Қызылорда облысының құрғақ климаттық жағдайында бұл әдіс тиімді суару жүйесін қамтамасыз етуде маңызды рөл атқарады.
Сондай-ақ, «Басықара» су торабында болып, оның қазіргі жағдайы мен суару жүйелерінің тиімділігі бағаланды.
Министрлік өкілдері су ресурстарын басқарудың тиімділігін арттыру мәселелері бойынша пікір алмасты. Қызылорда облысы үшін су мәселесі аса өзекті болып табылады, сондықтан заманауи технологиялар мен тиімді суару әдістерін енгізу өңірдің ауыл шаруашылығының тұрақты дамуына ықпал ететін болады.
Қорытындылай келе, Сейілбек Нұрымбетов пен Талғат Дүйсебаев су ресурстарын тиімді басқару және ауыл шаруашылығын дамыту бағытында қосымша шаралар қабылданатынын атап өтті.
@Қазалы ауданының ауыл шаруашылығы мен жер қатынастары бөлімі
