Аудан орталығы – Әйтеке би кентіндегі Желтоқсан, Т. Бокин, Төремұрат жырау және М. Ғабдуллин көшелерінде аумақтарды қоқыстан тазалау, бей-берекет өскен шөптерді шабу жұмыстары жүргізілді.
Сенбілік жұмыстарына 135 мекемеден 1 346 адам қатысып, 14 техника жұмылдырылды. Нәтижесінде полигондарға 13,5 тонна қоқыс шығарылды.
Тазалық жұмыстарының барысын аудан әкімі Алмасбек Есмаханов аралап көріп, атқарылып жатқан жұмыстармен танысты. Аудан басшысы жауапты мекеме басшыларына елді мекендердің санитарлық тазалығын тұрақты бақылауда ұстап, абаттандыру жұмыстарын сапалы жүргізу жөнінде тиісті тапсырмалар берді.
«Таза Қазақстан» – тазалықты бір күндік науқан емес, күнделікті өмір салтына айналдыруға бағытталған ортақ бастама. Туған жердің тазалығы мен көркейуі – баршамызға ортақ жауапкершілік.
