Жаңақорған ауданының дене тәрбиесі, спорт және туризм бөлімі мен пробация қызметі бірлесіп, пробация есебінде тұрған сотталғандар арасында қазақтың ұлттық ойыны – асық ату жарысын өткізді.
Жарыстың мақсаты – ұлттық дәстүрді дәріптеу, сотталған азаматтарды қоғамға бейімдеу, бос уақыттарын тиімді ұйымдастыру және салауатты өмір салтын қалыптастыру.
Жарыс тартысты әрі қызықты өтті. Қатысушылар өз мергендіктерін көрсетіп, асық атудағы ептіліктерін сынады. Қорытындысында үздік шыққандарға алғысхат пен медаль берілді.
Сотталған азаматтардың бірі жарыстан алған әсерімен бөлісті:
– «Асық ойыны арқылы өзімізді басқа қырдан көрсетіп, ұлттық дәстүрді еске алдық. Осындай шаралар бізге қолдау болып, дұрыс жолды таңдауға ынталандырады. Енді қателіктерге жол бермей, отбасым мен қоғамға пайдасы тиетін азамат болғым келеді», – деді ол.
Ұлттық ойындарды насихаттауға бағытталған мұндай іс-шаралар пробация есебіндегі азаматтардың бос уақытын тиімді өткізуіне ықпал етіп қана қоймай, олардың қоғамға қайта бейімделуіне де оң әсерін тигізуде.
