Қызылордадағы ҚАЖ мекемесінде тәлімгерлер кеңесінің отырысы өтті

Жиынға ҚАЖ ардагері Жалғасбай Есмаханов қатысып, отырысқа мекеме бастығының орынбасары Жеңіс Ернияз төрағалық етті. Кездесу барысында қызметтік тәртіпті сақтау, заңдылықты нығайту және сыбайлас жемқорлықтың алдын алу мәселелері талқыланды. Өз сөзінде Жеңіс Ернияз құқық қорғау органдары қызметкерлері үшін «Заң мен Тәртіп» және «Адал полицей» қағидаттарының маңызына тоқталды. Ол әрбір қызметкердің адалдық, жауапкершілік және кәсіби әдеп талаптарын қатаң сақтауы қажеттігін атап өтті. Сонымен қатар жас қызметкерлерді қызметке бейімдеу, олардың кәсіби біліктілігін арттыру және моральдық-этикалық құндылықтарын қалыптастыру бағытында атқарылып жатқан жұмыстар сөз болды. Осы мақсатта құрылған тәлімгерлер кеңесі жаңадан қызметке қабылданған мамандарға тәжірибелік көмек көрсетіп, олардың қызметтік міндеттерін сапалы орындауына бағыт-бағдар беріп келеді. Кездесу барысында ҚАЖ ардагері Жалғасбайі Есмаханов көпжылдық қызметтік тәжірибесімен бөлісіп, жас мамандарға қызметке адалдықтың, тәртіп пен адамгершілік қағидаттарын берік ұстанудың маңызын түсіндірді. Ардагер құқық қорғау қызметкері үшін кез келген жағдайда сабыр сақтап, салмақты шешім қабылдай білудің маңызды қасиеттердің бірі екенін атап өтті. Іс-шара соңында жас қызметкерлер ардагерлердің ақыл-кеңесіне ризашылықтарын білдіріп, өздеріне жүктелген жауапты міндеттерді абыроймен атқаруға бар күш-жігерін салатынын жеткізді.