Сенбілік барысында Әйтеке би кентіндегі тазалық жұмыстарын жүргізу үшін арнайы бөлінген 7 аймақ пен барлық орталық көшелер кенттің сыртқы және ішкі аумақтарында қоқыстар мен күзгі жапырақтарды тазалау, бордюрларды әктеу, қоршауларды сырлау жұмыстары жүргізілді.
Тазалық жұмыстарына мекеме қызметкерлерінен бөлек аудан тұрғындары да аулаларымен көшелерін қоқыстардан тазартып өз үлестерін қосты.
Әйтеке би кентіндегі сенбілік жұмыстарын аудан әкімі Алмасбек Есмаханов аралап көріп, орталық базар, теміржол вокзалы, және орталық көшелердің бойындағы тазалық жұмыстарына қатысты Әйтеке би кентінің әкімі мен тазалыққа жауапты аймақ басшыларына бірқатар тапсырмалар жүктеді.
