Аталған акция аясында аудан әкімі Айтбай Жандарбековтың бастамасымен аудан аумағындағы барлық тарихи-мәдени мұра нысандарында, киелі орындар мен қорымдарда кең көлемде тазалық жұмыстары жүргізілді. Атап айтқанда, «Оқшы ата» кесенесі, «Бес Арыс Тұяқты баба» кесенесі, «Шашты ата» және «Жаназар батыр» кесенесі, «Арғын ата» кесенесі, «Жансейіт баба» кесенесі, «Дәуіт ата» кесенесі, «Сауысқандық» шатқалы және өзге де тарихи орындар мен ауданымыздағы барлық қорымдар аумағы тазартылып, абаттандырылды.
Айта кетейік, тарихы терең, тағылымы мол ауданымызда мемлекеттік қорғауға алынған 42 тарихи мәдени ескерткіш бар. Оның ішінде 3 республикалық, 37 жергілікті маңызы бар ескерткіш, ал 2 нысан алдын ала есепке алынған тарихи мәдени мұра объектілері болып табылады.
Ауқымды тазалық шарасына 2 мыңға жуық тұрғын қатысып, ортақ іске белсене атсалысты. Акцияға халық қалаулылары, мемлекеттік мекеме қызметкерлері, еріктілер, ардагерлер және жастар жұмыла кірісіп, туған жердің тазалығы мен көркеюіне өз үлестерін қосты.
Бұл бағыттағы игі істер алдағы уақытта да жалғасын табатын болады.
@Шиелі ауданы әкімінің баспасөз қызметі.
